Viðtalstímar náms- og starfsráðgjafa
mánudaga 10-15
miðvikudaga 10-15
föstudaga 11-15
Sjá nánari upplýsingar hér
Hlutverk náms- og starfs ráðgjafar Háskólans á Bifröst er að veita nemendum margvíslegan stuðning og þjónustu meðan á námi stendur. Markmið ráðgjafarinnar er að stuðla að auknum árangri og vellíðan í námi.
Helstu þættir þjónustunnar eru eftirfarandi:
Ráðgjöf um vinnubrögð í háskólanámi
Markmiðasetning
Tímastjórnun og skipulag í námi
Lestrartækni og glósutækni
Prófundirbúningur og próftaka
Árangursrík hópavinna
Persónuleg ráðgjöf
Kvíða og streitustjórnun
Sjálfstyrking
Árangursrík samskipti og samstarf
Ráðgjöf vegna náms- og starfsvals
Upplýsingar um námsframboð og möguleg starfssvið að námi loknu og ráðgjöf við val
Áhugasviðsgreining
Greining færni og persónulegra styrkleika með tilliti til náms og starfa.
Ráðgjöf vegna atvinnuumsókna
Gerð starfsferilskráa (CV) og atvinnuumsókna
Undirbúningur fyrir atvinnuviðtöl
Ráðgjöf og úrræði vegna fötlunar eða sértækra námsörðugleika
Leitast er við að jafna aðstöðu og tækifæri til náms með sérúrræðum fyrir nemendur með sérþarfir.
Námsúrræði
Prófúrræði
Námskeið
Í boði eru ýmis námskeið er stuðla að bættum árangri og líðan í námi, s.s.:
Hraðlestrarnámskeið
Að koma sér á framfæri á vinnumarkaði - Líf eftir HB
Hagnýt aðferðir í hópavinnu
Námskeiðin eru auglýst sérstaklega hverju sinni á heimasíðu skólans og með tölvupósti til nemenda.
Ráðgjöfin byggist fyrst og fremst á viðtölum þar sem nemandi og ráðgjafi vinna að því í sameiningu að kortleggja vandann sem um ræðir, umfang hans og rætur auk þess að skoða og vinna með mögulegar leiðir til lausnar vandanum.
Einnig er notast við ýmis próf við kortlagningu á hinum ýmsu styrkleikum og veikleikum einstaklingsins. Helstu prófin eru Strong áhugasviðsprófið og LSS Leitaðu sjálfur að starfi.
Þá er um ýmsar æfingar eða þjálfun að ræða, bæði með ráðgjafa og sem heimaverkefni.