Inngangur

Meðfylgjandi stefnumótun Háskólans á Bifröst 2008-2012 byggist á vinnu stjórnar og stjórnenda Háskólans á Bifröst.
Háskólinn á Bifröst er sjálfseignarstofnun með sjálfstæðri stjórn sem skipuð er fulltrúum atvinnulífs og Hollvinasamtaka skólans, auk fulltrúa háskólaráðs.

Sýn

Að halda áfram að mennta forystufólk fyrir atvinnulíf og samfélag.

Hlutverk

Að búa nemendur undir ábyrgðar-, forystu- og stjórnunarstörf í innlendu og alþjóðlegu umhverfi með alhliða háskólastarfsemi á sviði félagsvísinda.
Að styrkja íslenskt atvinnulíf með góðri menntun og öflugum rannsóknum.
Að byggja samfélag þar sem vel er búið að öllum og áhersla lögð á mannlega reisn og þroskandi umhverfi.

Markmið

Að byggja upp öflugan alþjóðlegan háskóla með sterku tengslaneti við aðra háskóla, sérfræðinga, atvinnulíf og samfélag.
Að byggja upp öflugar rannsóknir í félagsvísindum með áherslu á íslenskt og alþjóðlegt atvinnu- og viðskiptalíf.
Að efla frumkvæði, aðlögunarhæfni og sveigjanleika nemenda og auka færni þeirra til ákvarðanatöku og forustu í hópum.
Að útskrifa nemendur sem hafi þekkingu og þjálfun til þess að takast á við raunhæf verkefni og sem hafi alþjóðlega víðsýni, samstarfs- og samskiptahæfni og skapandi og gagnrýna hugsun.
Að nýta sérstöðu Bifrastar til að byggja upp umhverfisvænt samfélag.
Að styrkja enn frekar sérstöðu Bifrastar sem fjölskylduvæns háskólaþorps með stuttar boðleiðir og góða grunnþjónustu.

Gildi

Læra – Góð menntun skapar hæfa einstaklinga, reiðubúna að axla ábyrgð og veita forustu í atvinnulífi og samfélagi.
Lifa – Sjálfstæðir og víðsýnir einstaklingar með jákvætt viðhorf til allra viðfangsefna njóta trausts og virðingar.
Leika – Gleði og leikur skapar árangur í lífi og starfi.

Framtíðarsýn

Háskólinn á Bifröst sé þekkingarsetur í samkeppni við aðra háskóla, innlenda sem erlenda.
Háskólinn vill ná samkeppnisforskoti með sveigjanleika, nýjungum og gæðum, fjölmörgum umsækjendum sem valið er úr og hæfu starfsfólki.
Háskólasamfélagið á Bifröst, háskólaþorpið, verði áfram og í vaxandi mæli hluti af sérstöðu skólans og aðdráttarafli fyrir nám á Bifröst.
Háskólinn á Bifröst hafi ávallt á að skipa hæfu starfsfólki til kennslu og þjónustu við nemendur sem vinnur saman sem ein heild að markmiðum skólans.
Stöðugt sé leitað leiða til þess að bæta árangur í námi og þjónustu við nemendur og stöðugt séu teknir upp nýir starfshættir þannig að svo megi verða, m.a. með virku samstarfi nemenda og starfsmanna.
Starfsmenn háskólans og nemendur séu virkir þátttakendur í samfélagsumræðunni og sýni sóknarhug og stolt.
Háskólinn á Bifröst sé vakandi fyrir nýjum tækifærum sem svara þörfum nemenda, atvinnulífs og samfélags.
Háskólinn hafi frumkvæði að nýjungum í kennsluháttum með tæknivæðingu og skipulagi sem hentar hraða samtímans.
Háskólinn á Bifröst stefnir að því að skapa nemendum sínum samkeppnisyfirburði á vinnumarkaði að námi loknu.
Bifröst sé óháður háskóli sem gerir ríkar kröfur til starfsfólks og nemenda og býr yfir sveigjanleika til þess að takast á við breytingar í alþjóðlegu samfélagi.
Háskólinn á Bifröst veiti hverjum nemanda persónulega þjónustu og góða aðstöðu til náms og þroska.

Samfélag

Háskólinn á Bifröst er þáttakandi í þróun hins alþjóðlega háskólasamfélags.
Skólinn ræktar tengsl við innlenda og erlendra háskóla í því skyni að efla námsframboð og rannsóknarsamstarf.
Öflugt samstarf við atvinnulífið og hollvinasamtök skólans er skólanum mikilvægt.
Borgarbyggð er mikilvægur samstarfsaðili við uppbyggingu háskólasamfélagsins.

Nemendur

Skólinn vill laða til sín hæfa einstaklinga sem búa yfir sköpunargleði, frumkvæði og samskiptahæfni og veita þeim tækifæri til úrvalsmenntunar á sviði félagsvísinda.
Skólinn ætlar nemendum ríkt hlutverk í sköpun þekkingar og mótun háskólasamfélagsins.
Skólinn leggur áherslu á virka tengingu námsins við viðskipti, stjórnsýslu og stjórnmál.
Skólinn leitast við að veita jöfn tækifæri til náms, óháð kynferði, aldri, þjóðerni, efnahag, fötlun eða búsetu og skapar þannig fjölbreyttan hóp nemenda með ólíkan bakgrunn, menntun og reynslu.

Starfsfólk

Háskólinn á Bifröst vill búa að vel menntuðu og hæfu starfsfólki.
Skólinn vill tryggja sér samkeppnishæfni með áhugaverðum verkefnum, góðum launum, raunhæfum starfsþróunarmöguleikum og góðri aðstöðu starfsfólks.
Háskólinn leggur áherslu á að fá til kennslu kennara í fremstu röð frá erlendum samstarfsháskólum og einstaklinga í fremstu röð í íslensku og alþjóðlegu atvinnulífi.
Skólinn leggur áherslu á að akademískir starfsmenn njóti fulls rannsóknafrelsis og hvetur þá til rannsókna.